سياسة الخصوصية

خصوصيتك وخصوصية ضيوفك تهمّنا. هذي الصفحة توضّح شنو البيانات اللي تجمعها منصّة «حيّاكم» وليش، وشلون نحميها. باستخدامك للمنصّة توافق على هذي السياسة.

١. البيانات اللي نجمعها

• بيانات صاحب الدعوة: الاسم، رقم الواتساب، والبريد الإلكتروني إذا كتبته.
• محتوى الدعوة: الأسماء، التاريخ، المكان، النصوص، الصور اللي ترفعها، ورابط الأغنية.
• بيانات الضيوف: الاسم، حالة الحضور، عدد الحاضرين، الملاحظة أو التهنئة اللي يكتبها، ورقم الهاتف إذا أضافه صاحب الدعوة.
• بيانات تقنية: عنوان IP بشكل مؤقت لحماية المنصّة من الإساءة، وعدد مرات فتح الدعوة.
• بيانات الدفع: رقم الطلب والمبلغ وطريقة الدفع. ما نخزّن أي أرقام بطاقات أو كلمات سر بنكية.

٢. ليش نستخدمها

• حتى نعرض الدعوة ونشغّل تأكيد الحضور والتهاني وبطاقات الدخول.
• حتى نتواصل وياك بخصوص التفعيل والدعم الفني.
• حتى نحمي المنصّة من الرسائل المزعجة والاستخدام المسيء.
• حتى نحسّن الخدمة بإحصائيات عامة ما تكشف هوية أحد.

ما نبيع بياناتك ولا بيانات ضيوفك لأي جهة، وما نستخدمها لإعلانات طرف ثالث.

٣. منو يشوف البيانات

• محتوى الدعوة يشوفه كل واحد عنده رابطها. الدعوات ما تظهر بمحركات البحث.
• قائمة الحضور والملاحظات يشوفها بس صاحب الدعوة من رابط التحكم السرّي.
• التهاني تظهر داخل الدعوة، وصاحب الدعوة يكدر يخفيها أو يحذفها.
• نستخدم مزوّدي خدمة موثوقين للاستضافة وقاعدة البيانات فقط بالقدر اللازم لتشغيل المنصّة.

٤. الكوكيز والتخزين المحلي

نخزّن بمتصفحك روابط دعواتك بصفحة «دعواتي» وردّك على الدعوة حتى تكدر تعدّله، وهذا يبقى على جهازك فقط. إذا فعّلنا أدوات تحليل (مثل Google Analytics) فهي لإحصائيات الزيارات العامة.

سجلّ الزيارات: لحماية الموقع من الإساءة ولإحصائيات الزيارات نسجّل لكل زيارة لصفحات الموقع العامة: عنوان IP، نوع المتصفح والجهاز، الدولة التقريبية، والصفحة. ما نسجّل روابط التحكّم بالدعوات، وروابط الدعوات والضيوف تُسجَّل بدون رموزها. هذا السجل تشوفه إدارة الموقع فقط ويُحذف تلقائياً بعد ٦٠ يوماً.

٥. مدة الاحتفاظ

• الدعوات التجريبية غير المدفوعة تنحذف تلقائياً بعد 14 يوم.
• سجلّ الزيارات (IP والمتصفح) ينحذف تلقائياً بعد ٦٠ يوماً.
• الدعوات المفعّلة تبقى متاحة بعد المناسبة حتى يرجع الضيوف للتهاني والصور، وتكدر تطلب حذفها بأي وقت.

٦. حقوقك

تكدر تطلب نسخة من بياناتك، أو تصحيحها، أو حذف دعوتك وكل بيانات ضيوفها نهائياً، عن طريق التواصل ويانا من رقمك المسجّل.

٧. الأطفال

المنصّة موجّهة للبالغين. إذا صوّرت أطفال بدعوتك (مثل دعوة مولود)، تأكد إن عندك موافقة أهلهم.

٨. التواصل

لأي سؤال عن الخصوصية: واتساب +9647700000000 أو البريد [email protected].